فـضفـضه
23 نوفمبر 2010
- بيقولوا إن الواحد مش بيحس بقيمه اللي في إيده غير لما يضيع منه . طب ولو كان وهو جمبك إنت عارف قيمته . هتعمل إيه لما يبعد !!
- في كده مواقف الواحد بيمر بيها .. مش بيبقي محتاج فيها غير حضن أمه .. بجد مش بيبقي فيه أي حل تاني .
- الشبه في نظري مش تقاطيع وملامح .. الشبه روح وإحساس .
- لما تجرح حد يمكن يكون عادي .. لما تعوره بالسكينه يمكن بردوا عادي .. إنما لما يكون حد أصلاً متعور وتحط السكينه في الجرح أكيد ده مش عادي أبدا أبداً.
- لما تضرب حد في ضهره يمكن يكون عادي إنما لما يكون الحد ده مسلملك أمره وواثق فيك أكتر من نفسه .. يبقي مش عادي أبداً دا يبقي ظلم .
- قلبك جامد .. بس مش قاسي .. أظن فيه فرق .
- أصبحت فـنان في صنع الإبتسام .
- ولإمتي هفضل في نص الكتاب ؟ لا إتقريت ولا إتقفلت .
- لما يكون كل اللي حواليك مش فاهمينك يبقي الأفضل إنك تفضل ساكت أحسن .
- ليه مشيتي وسيبتيني ؟؟ مش قادر أكمل في الدنيا لوحدي .
- تخيل لما تكون في قوضه ضلمه وتلاقي معاك شمعه . هتمنع تاخد نفسك علشان متنطفيش . هتعمل أي حاجه علشان الشمعه تفضل منوره قدامك . حتي لو هتلسعك .. صح .
- الغرفه بتاعتي بحس إنها أصيله قوي قوي .. بتحتوي الإنسان .
- يارب خلي الدنيا تجري بيا بسرعه.
- لما بضحك بحاول إني أخليها بجد . علشان مش عايز حد يطبطب عليا .
- اللي أنا فيه دلوقتي مخليني أكره أشوف أي مرايا في البيت .
- مشيت كتير يا أمي ولسه الفرح بعيد .. يا تري لسه بتدعيلي ؟
نتلاقى حين
تضيق الدنيا بى
و تصنع ما تصنع فى
و لا يبقى لى أحد
نتلاقى حين
يغمر كيانى يأسى
و يسرقنى حزنى من نفسى
و تبقى أنت السند
نتلاقى حين
أتحدث عن دنياك
رغم أنى حرمت لقاك
و لن أراك إلى الأبد
0 التعليقات على فـضفـضه
إرسال تعليق