إحموا مؤخره مصر
17 مايو 2010
- النكبه والنكسه والنكته ثلاثه أشياء يتميز بها العالم العربي عن باقي العالم اللي مش عربي
- لو مكنتش إنته تدلعني مين هيدلعني دا نص الرساله اللي بعتها نتنياهو لأوباما بعد طلب الأخير من الكونجرس 205 مليون دولار لدعم ( القبه الحديد ) أو الدرع الصاروخي لإسرائيل ومن قبلها مساهمته في دعوه إسرائيل للإنضمام لمنظمه التعاون والتنميه الإقتصاديه في باريس . وإحنا أكيد عارفين أخدنا إيه من أوباما واللي مش عارف يبقي يحسس علي ……. راسه
- بعد توقيع أربع دول إفريقيه من دول حوض النيل العشر علي إتفاقيه إطاريه بشأن تقسيم مياه النيل لازم تقرأ مصر كلها روايه أسمها ( إحموا مؤخره مصر )
- بعد تكرار الزيارات المفاجئه لوزير التربيه والتعليم للمدراس وإكتشافه مدي الجهل اللي مصر موجوده فيه معظم المدرسين بدأو يعملوا أعمال علشان يربطوا وزير التعليم عنهم .
- صحيفه النيوزويك الأمريكيه وصفت البرادعي بالخجول في طريقه تعامله مع الوضع السياسي في مصر . يا دكتور برادعي اللي يتكسف من مصر ميحكمش
- دكتور زقزوق وزير الأوقاف صرح بإنه مستعد لزياره القدس بتأشيره إسرائيليه بالرغم من إنه ضد التطبيع . يا دكتور زقزوق أدخل غزه أحسن وأفضل وأكرم ليك ولينا من زياره القدس بدل ما تنضرب زي الماهر زمااان وبدون تأشيره يا أوقاف ملهاش لازمه .
- 12 مليار و 555 مليون جنيه مصري هو ثمن بيع محلات هارودز المملوكه لمحمد الفايد إلي شركه قطريه . من العبد لله لمحمد الفايد أرجوك رشح نفسك لرئاسه الجمهوريه وأسس الجبهه الوطنيه للتبذير أرجوك وكفانا سياسه بئه نجرب مره اللحمه يمكن تنفع .
- كل ما بمر أمام مبني المحافظه بتاعتنا وألاقي جرارات زراعيه كل يومين وجديده جدا بقول في نفسي المحافظ ده فلاح قوي كده ليه لحد ما إكتشفت أنها مدهونه جديد وموقفينها تنشف في الشمس .
- في إمتحان الصف الثاني الإعدادي لغه عربيه كان السؤال الأول ( أكتب جمله تدعو فيها إلي النظافه ) أخو واحد صاحبي كتب يا حيوانات بطلوا ترموا زباله هنا
- بقترح تعديل في قانون العقوبات المصري بأن كل مسئول ثبت تورطه في فساد و خراب للبلد أن يقضي مده شهر في نظافه الشوراع وتوضع علي ظهره لافته إحذروا هذا الرجل .. إنه فاسد
- كل لما بشوف قناه النيله الثقافيه أقصد النيل الثقافيه بحس بحد بيضربني علي قفايا ويقولي فهمت يا حمار
- أفضل تعبير سمعته في اليومين اللي فاتوا لما قلت لسباك كان في زياره لمواسيرنا العزيزه يا أخي ربنا يرحم مصر من اللي هيا فيه قالي يا أستاذ الحنفيه اللي تنقط لازم يتغير ليها جلده. مش نقعد نشاور ونقول بص الحنفيه بتنقط . يبقي كده هنغرق
4 التعليقات على إحموا مؤخره مصر
-
يا رب دايما تكون مبسوط وبتحضك يا سيد باشا وتكون متفائل دائما كما تعودتك إن شاء الله .
إنته كمان واحشني جدا والله العظيم ويارب يارب تنزل المنصوره بئه ولو إني بدأت أشك إنك مش عارف المنصوره فين ههههههههه تنورها يا ريس والله وإن شاء الله أتشرف برؤياك الطيبه
بخصوص الاستايل دا من تعليمك والله ولا أنكر ده بجد إنك أول من لفت إنتباهي لتغيير الأستايل وطبعا تقدر من غير أي إستئذان إنك تعمل اللي إنته عايز في المدونه يا ريس لو عايزني أعزل منها والله أوعدك إني أفكر ههههههههه
في رعايه الله وحفظه يا أجدع قلم رصاص
-
موخرة مصر = مؤخرات المصريين
كل ما بمر أمام مبني المحافظه بتاعتنا وألاقي جرارات زراعيه كل يومين وجديده جدا بقول في نفسي المحافظ ده فلاح قوي كده ليه لحد ما إكتشفت أنها مدهونه جديد وموقفينها تنشف في الشمس .
-
sharm
أشكر زيارتك الكريمه للمدونه وتعليقك علي الموضوع . تقبل تحيتي
ههههههههههههههههههههه
انا لو قعدت اضحك 3 ايام مش هتعرف اد ايه انا مكيف اوووووووووي من البوست دا يامحمد بيه
^_^ ^_^ ^_^
بجد بوست هايل اوي اوي اوي
واحشني جدا انت فين كل الأيام دي
عرفني اخبارك بسرعه والاااااااااااا
هاجيلك المنصوره الأسبوع دا
احتمال كبير اوي ياباشا اشوفك الأسبوع دا
ان شاء الله
وابقى كلمني عشان عاوز اسمع صوتك
أصلي شكلي نسيته هههههههههههه
اه من حق نسيت اقول لك
الاستايل الجديد فظييييييييييع بجد
عجبني جدااااااااااااااااااا
ومن غير استئذان انا هركبه على مدونتي
هههههههههههههههه
مش انا اللي قايلك تغير الاستايل القديم؟
اه يبقى من حقي اعمل اللي انا عاوزه
هااااااااه عندك اعتراض ؟
هههههههههههههه
سلام ياصاحبي