الهجوم الاسرائيلي على سفينة مرمرة ( إمتي ح نبطل كلام )
01 يونيو 2010
إمتى ح نبطل...كلام
أولاً..ح أكتب كلام
ثانياً..تقرا الكلام
ثالثاً..تدخل تعلق
برضه بشوية كلام
حتى حكام الشعوب
مابقاش حيلتها إلا الكلام
يعملوا..قمة كلام
يطلعوا..بحبة كلام
وإحنا طبعا ف الجرايد
تانى يوم نقرا الكلام
يبقى قاعد ف السفارة و الوزارة
يقول كلام
تلقى غيره و ف دقيقة
قال كلام غير الكلام
والحكاية بحالها تقلب
معركة ..بس بكلام
تلقى حاكم شعبه ميت
وشّه مليان إبتسام
حاضنة إيده إيد عدوه
آل بيدعوه للسلام
والسلام..إنك تفاوض
طب بإيـيـيـيـيـيـيـه ؟؟؟
برضه بكلام
يبقى قاعد آل يفاوض
زيه زى الطور تمام
هوه عارف ..بس خايف
يبقى مش قد الكلام
واللى قبله راح ف داهية
أصله ما سمعشى الكلام
تلقى كاتب للأغانى
لما يسمع الكلام
قلبه يتحرك و عقله
يقوله على حبة كلام
يكتبه..ييجى الملحن
يعجبه لفظ الكلام
والمغنى ف النهاية
نسمعه يغنى الكلام
بعد ما يخلص نقوله
بجد..الله ع الكلام
كلمتين أنا نفسى اقولهم
همّا ف الآخر كلام
بس يعنى غصب عنى
أصل أنا سلاحى الكلام
إسألوا فلسطين يا عالم
وإسمعوا رد الكلام
إسرائيل إزاى خدِتها
كات خدِتها بالكلام ؟؟
دير ياسين.صابرا.شاتيلا
ولا قانا..كات كلام ؟؟؟
العراق..لبنان..وغزة
إحتلالهم كان كلام ؟؟
لو شهيدالفجر ينطق
كان يقول أجمل كلام
إغتياله يوم شهادته
تم..برصاص الكلام ؟؟
ولا صدام و الحريرى
برضه ماتوا بالكلام ؟؟
نفسى أسأل كل حاكم عربى
من ضمن الكلام
لو صحيح الدُرّةإبنك
ليه نسيته أوام أوام
ليه نسيت شيماءوغيرها
ضاعوا ليه وسط الكلام
نفسى أسأل كل حاكم عربى
من ضمن الكلام
ياللى بعت ف يوم ضميرك
لما بعته..قبضت كام..؟؟
وإن ضميرك لسه عايش
إمتى ح تبطل كلام
الزتون دبلان ف أرضه
وإنتحر كل الحمام
الحكاية إن المرارة ف حلقى
مش ناقصة الكلام
لو ح أقول على كل حاجة
عمر ما يكّفى الكلام
نفسى يوم أكتب قصيدة
إسمها....خِلص الكلام
ثانياً..تقرا الكلام
ثالثاً..تدخل تعلق
برضه بشوية كلام
حتى حكام الشعوب
مابقاش حيلتها إلا الكلام
يعملوا..قمة كلام
يطلعوا..بحبة كلام
وإحنا طبعا ف الجرايد
تانى يوم نقرا الكلام
يبقى قاعد ف السفارة و الوزارة
يقول كلام
تلقى غيره و ف دقيقة
قال كلام غير الكلام
والحكاية بحالها تقلب
معركة ..بس بكلام
تلقى حاكم شعبه ميت
وشّه مليان إبتسام
حاضنة إيده إيد عدوه
آل بيدعوه للسلام
والسلام..إنك تفاوض
طب بإيـيـيـيـيـيـيـه ؟؟؟
برضه بكلام
يبقى قاعد آل يفاوض
زيه زى الطور تمام
هوه عارف ..بس خايف
يبقى مش قد الكلام
واللى قبله راح ف داهية
أصله ما سمعشى الكلام
تلقى كاتب للأغانى
لما يسمع الكلام
قلبه يتحرك و عقله
يقوله على حبة كلام
يكتبه..ييجى الملحن
يعجبه لفظ الكلام
والمغنى ف النهاية
نسمعه يغنى الكلام
بعد ما يخلص نقوله
بجد..الله ع الكلام
كلمتين أنا نفسى اقولهم
همّا ف الآخر كلام
بس يعنى غصب عنى
أصل أنا سلاحى الكلام
إسألوا فلسطين يا عالم
وإسمعوا رد الكلام
إسرائيل إزاى خدِتها
كات خدِتها بالكلام ؟؟
دير ياسين.صابرا.شاتيلا
ولا قانا..كات كلام ؟؟؟
العراق..لبنان..وغزة
إحتلالهم كان كلام ؟؟
لو شهيدالفجر ينطق
كان يقول أجمل كلام
إغتياله يوم شهادته
تم..برصاص الكلام ؟؟
ولا صدام و الحريرى
برضه ماتوا بالكلام ؟؟
نفسى أسأل كل حاكم عربى
من ضمن الكلام
لو صحيح الدُرّةإبنك
ليه نسيته أوام أوام
ليه نسيت شيماءوغيرها
ضاعوا ليه وسط الكلام
نفسى أسأل كل حاكم عربى
من ضمن الكلام
ياللى بعت ف يوم ضميرك
لما بعته..قبضت كام..؟؟
وإن ضميرك لسه عايش
إمتى ح تبطل كلام
الزتون دبلان ف أرضه
وإنتحر كل الحمام
الحكاية إن المرارة ف حلقى
مش ناقصة الكلام
لو ح أقول على كل حاجة
عمر ما يكّفى الكلام
نفسى يوم أكتب قصيدة
إسمها....خِلص الكلام
الرجاء نشر هذا الفيديو بشكل مكثف
علي أي موقع تقومون بزيارته
لعله يكون شفيع لنا عن صمتنا الدائم وعجزنا المستمر
2 التعليقات على الهجوم الاسرائيلي على سفينة مرمرة ( إمتي ح نبطل كلام )
-
فعلا لنا الله يا سيد باشا بس لازم العمل جنب الكلام علشان يكتمل وقوف ربنا بجانبنا . الله المستعان
شوف شكلك عامل زي الحكام العرب وبتاع كلم وبس ههههههههههه انته حر بئه بدل ما اجيلكم لحد عندكم واعمل مظاهره قدام البيت وساعتها مش هتقدر ترفض انك تطلع من البلكونه علي الاقل واشوفك .
تنور البلد كلها يا ريس والله وفي إنتظارك ان شاء الله
ايه ياعم هذا الكلام؟
فعلا كله كلام في كلام يامحمد
اول مره يا اخي احس بالمراره من اللي بيحصل للفلسطينين
المره دي بالذات مش عارف ليه كان احساسي بيهم مختلف وقريب عن اي حاجة حصلت قبل كدا
لنا الله من قبل ومن بعد
على فكره ياريس
جواب نهائي هكون في المنصوره اول الاسبوع الجي يعني على السبت او الاحد بالكتير
هكلمك لما اوصل عشان نتقابل بقىىىىىىى
كفايه كدا يا اخي الناس والأمم المتحده كلوا وشي من تأخير اللقاء المرتقب دا
ههههههههههه
حاول بقى تفضيلي نفسك ولو ساعه الاسبوع دا ان شاء الله
انا منتظر اليوم دا من زمان يا اخي
اسيبك في رعاية الله