يا اقصى بطل تنادى على العرب والمسلمين
يا أقصى سيبنا فى حالنا وإحنا مالنا إنت مين
ايه يعنى إنك مسري .. سيد المرسلين
إيه يعنى إنك كنت أولى القبلتين
إيه يعنى إنك إنت تالت الحرمين
مش فارق ويا العرب والمسلمين
إنت فين ولا إنت مين
يا أقصى بطل تنادى على العرب والمسلمين
شوف حد تانى ينقذك ..قبل ما ناخد العزى
شوف حد تانى يرد عنك الأذى
وبلاش تقول ماذا وإذا
هدو أركانى فوق روؤس المصلين
يا أقصى بطل تنادى على العرب والمسلمين
شوف حد تانى يمنعك من الإنهيار
وبطل تقول الحفر شغال ليل نهار
والأرض تحتك مش قادره تشيل الجدار
ولو حصلك إنهيار.... وقتها بقى نفكر فى القرار
يمكن نلاقي حته تانيه تديهالنا اسرائيل
يا أقصى بطل تنادى على العرب والمسلمين
إنت فاكر إنك أهم عندنا من ماتش كوره ؟
أو حتى فاول إتحسب بالخطأ على باك يمين
عمرك شوفت .. ماتش كوره يوقع بين دولتين
إلا قولي .. تفتكر مين الأحق بتمثيلنا فى المونديال
الأخضر ولا منتخب الساجدين ؟
يا أقصى بطل تنادى على العرب والمسلمين
دا العرب مهتمه أكتر بالفنانات والفنانيين
وفيه مسابقه على اللى ياخد اللقب من المطربين
جورج سلطان الطرب ….وعبده مطرب العرب
والاختلاف على الزعامه فى الحريم تروح لمين
ناس تقولك الأحق نانسى عجرم
والأغلبيه تقول شرين
يا أقصى بطل تنادى على العرب والمسلمين
يا أقصى إحنا بنينا أعلى برج فى البسيطه
و على الحدود غير السدود من الفولاز بنينا حيطه
وإحتفلنا بانتصارنا فى ماتش غانا .... عملنا زيطه
ومهما تنادى بأعلى صوتك إحنا برده مش سامعين
بينى وبينك
عندنا ودن طرشه وودن تانيه من العجين
يا أقصى بطل تنادى على العرب والمسلمين
يا أقصى متزعلش منى بس هى دى الحقيقه
الشباب على القهاوى بيعاكس بعيون جريئه
ولو حاولت تنصحه .. والنصيحه مش خطيئه
بالبونيه يروح مناولك وفجاءه تتفقعلك عين
يا أقصى بطل تنادى على العرب والمسلمين
يا أقصى حال العرب مبقاش يسر
كل حاجه إتغيرت حتى العسل بقى طعمه مر
ويا أقصى كل اللى عارف أنت مين .. ماعادش حر
حطو فى إديه الحديد .. جوه القفص .. أصبح سجين
يا اقصى بطل تنادى على العرب والمسلمين
يا أقصى بطل صياح وبلاش تفكر فى اللى راح
إنسى بقى .. إبن الوليد والمعتصم وإنسى صلاح
اللى هب لنجدتك فى يوم حطين
يا أقصى عمر صوتك ما هيصحى الميتين
يا أقصى بطل تنادى على العرب والمسلمين
يا أقصى أنا مش متشائم ... بس عاجز عن المساعده
واللى ذيى لو سالته راح يقول معادش فايده
لازم نفوق ونبقى فوق ونقلل بينا الفروق
والكلام ده مش مزايده
وكل اللى اقدر أقوله إن قلبى عليك حزين
يا أقصى نادي كمان على العرب والمسلمين
كل قمه عربيه وإنتوا خايبين وخايفين ومخكم تخين
احنا فعلا محتاجين شوية كرامه
لنا الله من قبل ومن بعد
ثثثثثثثثثثثم
الجهاد
ازيك ياباشا
اخبارك ايه
واحشني
طال الغياب اوي بيننا ياباشا
شوف لك حل بقى وخليني اجيلك المنصوره
انا محتاج ضغط..اصل اخوك مبيجيش الا تحت ضغط ..
ما انت عارف .. احنا عرب
ودي جيناتنا بقى..مفيش فايدة لازم الضرب عشان نتحرك
ههههههههههههههههه
تقبل مروري وتحيتي