شــنــطــه سـلـبـيـات . !!
31 يوليو 2009
كلنا عارفين إن بلدان العالم كله فيها سلبيات وإيجابيات وفيها هيئات حكوميه قائمه علي العمل لزياده الإيجابيات ومحاربه السلبيات
وإحنا هنا في مصر ما شاء الله علينا ربنا مكتر سلبياتنا ومشاكلنا ومحسودين يا عيني في إيجابياتنا .. وما دام مصر غاليه علينا زي ضي عيننا قلت نعمل البوست ده علي غرار شنطه رمضان اللي بيقدمها الناس الطيبين في رمضان للفقراء والمحتاجين .. إحنا هنعمل شنطه سلبيات ونقدمها للحكومه بتاعتنا بمناسبه رمضان علشان عايزين نعكنن عليهم شويه وهما بيفتحوا الشنطه دا اذا فتحوها
كل واحد هيدخل يحط فيها أكتر سلبيه او مشكله شايفها في مصر وهذا من منطلق ( إعرف عدوك ) ومفيش اكبر من المشاكل لتكون عدو ..
أرجوكم نحاول نجمع اكبر قدر ممكن من السلبيات هنا في هذه الشنطه عايزين نتوصي بالحكومه ونعرفها إن إحنا شعب كررريم . ثم بعد ذلك وبناء علي طلبكم إن شاء الله سنفرز هذه السلبيات ونحاول مع بعض إيجاد حل لها علشان نزرع في نفسنا قناعه إن كل مشكله ولها حل لأن فيه ناس كتير وانا علي وشك أن اكون منهم علي قناعه بأن مصر ملهاش حل ... ولو أني متأكد إن ممكن أقابل رب كريم قبل ما نوصل لفرز الصندوق إنما هنحاول ونعافر ويمكن يتقبض علينا ونبقي مشهورين ومعتقلين وساعتها همسك تراب ارض مصر وأقول ( مشربتش من نيلها طب جربت تغنيلها ) النهااااااااااايه ..
..... يلا سلبيات سلبيات سلبيات قرب قرب قرب سلبيات .....
4 التعليقات على شــنــطــه سـلـبـيـات . !!
-
اولا بحييك على البوست الجميل ده , وان كنت جيت على الجرح ودوست جدا
بس انا من راى نسميها مش شنطه رمضان ده دى زكاة الفطر اللى هنقدمها للحكومه يوم العيد
بس حقيقى من كتر السلبيات والله ماعارفه اختار ايه واسيب ايه. بس هحكى عن موقف لسه حاصل امبارح, واحنا راجعين من راس البر حصل حريق عند قريه اسمها الطويله تقريبا, تقريبا عربيه جاز او بنزين اتقلبت المهم مش هقدر اوصف شكل النار والحريق كان عامل ازاى لدرجه ان حسيت ان البلد كلها هتتحرق
اللى حصل واللى يغيظ بجد فيه شباب وقفت تصور المنظر وخلاص مش عارفه عاوزين ينزلوه ع النت ولا ايه شكل الناس اتجننت ههههه
طبعا محدش اتصل بالمطافى , فيه واحد اللى يجزيه كل خير اتصل هو بالمطافى وبناس معارفه وقالهم يبعتوا 4 عربيات على الاقل
المهم بقى العربيات دى جت امتى؟؟؟؟؟؟ والله تقريبا بعد تلت ساعه بعد ماالحريق اصلا كان هدى وشبه انطفت
تسالينى بقى امال هما جم عملوا ايه؟ اقولك والله مااعرف ولزمتهم ايه برده معرفش.
الخلاصه من الموضوع ان الحكومه يومها مش بسنه ده بسنين
كمان انا شايفه ان الحكومه بتشوف الشعب عاوز ايه وتعمل عكسه تماما والله ماعارفه ليه؟
المهم انهم يضايقونا وخلاص
المهم نسيت اسال هى المدونه دى متامنه ولا مراقبه ولا ايه ههههههه
عموما لو اخدوك لا قدر الله انت تعمل انك مش عارفنا وهنجيبلك كباب وكفته مش عيش وحلاوة زى مااتمنى الشهاده قال ههههه
اسفه جدا على الاطاله دى
-
أتمني الشهاده ... جزاك الله كل الخير أخي الكريم وإيه حكايه عوداً حميداً دي ما أنا معاك لك يوم يا راجل يا طيب ولا الزهايمر إشتغل !! ايوا أنا هو والله .. عموما أنا متفق معاك فعلا بإن كل ما نحن فيه من شر سببه ( الإبتعاد عن الدين والطريق الصحيح ) فعلا تكلمت فأجملت .. اللهم إرزقنا بشباب من أمتنا يعيدوا لها كرامتها ويتخذوا من دينك دستوراً لهم في حكمهم وإجعلنا دائما من أنصار الحق ورافضي الباطل اللهم آمين .. أما حكايه الباله دي فلما هرجع بورسعيد هسأل عليها.. واما حكايه المعتقل دي فخلاص نسيبنا الحكومه وبقينا قرايب .. يعني رايحين رايحين ودمتم صايمين ومقبولي الدعاء .. تحياتي يا غالي
-
وكيله نيابه .. ربنا يبعد عننا كل الجروح وكل اللي يحاول يدوس عليها .. وعموما شنطه رمضان أو زكاه الفطر فهي خساره فيهم بصراحه وانا راجل صايم ومقدرش أكذب .اما حكايه الحريق اللي حصل ده فتقرير النيابه قال إن الغلطه أولا غلطه البلد اللي أسمها الطويله لانها مأخدتش بالها من الحريق فقامت تجري بعيد عنه وبالتالي هيتم إتخاذ اللازم بسرعه . ثانيا غلطه العربيه اللي كنتوا فيها لانها كانت في نفس وقت الحريق تمر من امام القريه فلو كنتوا مشيتوا من مكان تاني مكنش حصل حاجه ولا شفتوا حاجه ولا كنتي علقتي علي البوست ده وعكننتي علي الحكومه كده . ثالثا غلطه المطافي إنها جت لان المفروض طالما الحريق هدي وانطفي فمكنش له لزوم المشوار والمصاريف والميه .. ولذلك رأت النيابه الاتي
التحفظ علي الموبايلات اللي كانت مع الشباب وتوجيه تهمه الشروع في حرق قريه الطويله الهبله أم بدوي وقلب نظام الكون والعكننه علي الحكومه ..
أما حكايه المدونه متأمنه ولا لاء فأنا لسه مركب ليها منظم جديد بمناسبه رمضان يعني مش هتسرب حاجه ان شاءالله ولو سربت يبقي كل واحد ياخد ديله في اسنانه ويجري علي قريه الطويله هيلاقي المطافي هناك وساعتها هيكون مطمن ومتأمن كويس ... كل سنه وانتوا طيبين وصايمين والي الله قريبين
أول تعليك اهوه
فينك من زمان عوداً حميداَ
كل سنه وانت بالف صحه وعافيه ورضا من الله
والله فكره رائعه جداً وعلي فكره لو فكرة شنطة السلبيات دي نجحت واتحلت سالبياتها واتقبلت
صدقني مش هيبقي في حدا محتاج لشنطة رمضان لان ساعتها مش هيبقي في حد محتاج يااااااااااه حلم بجد
مش عارفه ابدا السلبيات الي شيفاها منين
لكن في نظري ان كل الي احنا فيه هتلاقيه بعدنا عن دينا هنقول احنا بيعنا ارضنا ومقدساتنا
هقول اصل احنا خونه وكمان الجهاد ارهاب
هترج تقول ناس معندهاش دين
هنقول الحكومه واكله مال شعب كامل
هنقول نهب وسرقه
حكومه معندهاش دين
هتقول البلد يا غني يافقير هقول لو كل غني طلع زكاته مش هيبقي في فقير
ياااااااااه ناس ما عندها دين
هنقول الفساد الاداري الموظفين مرتشين
هقول موظف معندهوش طمير وحكموه مجوعاااااه
طاب فين الدين
صدقني بعدنا عن دينا وشريعتنا الاسلاميه هي الي خليتنا كلنا كلنا سلبيات
ليه ايام عمر بن عبد العزيز مكنش في الكلام ده
لانه كان بحكم بالدين وبالشريعه
كانت خزائن المسلمين مليئه بالمال ولا يوجد فقراء
لان مكنش في نهب لانهم كان عدهم دين كانوا بخافوا ربنا
والي قول احنا دينا وشريعتنا تخلينا ملوك العالم ومش هنحتاج لحد
والدين قوه وجيش ورجال وامانه الأمانه الي رفض حملها الملائكه وحملها الانسان
لكن ما عرف يحملها
الدين قران وعباده وسياسه وحاكم عادل وشعب طائع لحام عادل
وامه راضيه بقضاء الله
وقدس في ايد المسلمين وعراق فرات ودجلة للمسلمين
ومصر خير جد الارض جيش وعزوه وبكه ومدينه روح امه
يروح في ستين غوانتنامو او ستين الف ابو غري ويا سلام عالربع الخالي الي ديما بينادي بالعالي وا معتصمااااه
علي فكره انا لوحدي عاوزالي باله ولو سالتني عليها اقول الباله دي حاجه كبيره اوي كده بدل الشنطه لكن عمري مشوفتها سمعت عنها وانا في بورسعيد
رمضان كريم
ومتقلقش اذا روحت المعتقل
معاك معاك
ده اذا مكنتش قبلكيعني مش هنلاقي حد يجيبلنا عيش وحلاوه